Nëse nuk turpërohesh, bëj ç'të duash

Mërkurë, 21 Korrik 2010 15:32 Freskimi i fundit E Mërkurë, 21 Korrik 2010 15:44 Shkruar nga LULZIM ef.SUSURI

 Nga Ukbe ibën Amiri na përcillet, se e ka dëgjuar të Dërguarin e Allahut, sal-lallahu alejhi ue selem, duke thënë: “Ndër urtësitë e trashëguara nga profetët e mëparshëm është edhe fjala: Nëse nuk turpërohesh, atëherë bëj ç’të duash”.

Hadithi i sipërpërmendur përcillet nga Ukbe ibën Amiri, kurse atë e shënon imam Buhariu në Sahihun e tij, nr. 3224, 3225, 5655, Ebu Davudi, nr. 4164, Ibën Maxhe, nr. 4173. Të gjithë këta e përmendin me të njëjtin tekst, kurse me tekste të ngjashme, të cilët edhe pse me goxha ndryshime, por prapë mbesin brenda kësaj domethënie transmetohen edhe tek disa libra të tjerë të hadithit, sa për dobi do të përmendim edhe këto:
Ibën Omeri thotë: “Profeti, sal-lallahu alejhi ue selem, ishte duke kaluar afër një ensari, i cili po e këshillonte vëllain e tij rreth turpit (po e kritikonte të mos ishte aq shumë i turpshëm) dhe me këtë rast Profeti i tha: “Lëre rehat, sepse turpi është pjesë e besimit”. (Buhariu dhe Muslimi).

Si e kanë kaluar Ramazanin paraardhësit tanë besimtarë

Martë, 20 Korrik 2010 16:46 Shkruar nga Dr. Selman Avde

Përktheu: Ardian Klaiqi  

Ne duhet të shikojmë shembullin e të Dërguarit, lavdërimi dhe paqja e Allahut qofshin mbi të, të shokëve të tij dhe të gjeneratave të hershme të muslimanëve, nëse dëshirojmë të përfitojmë maksimumin prej muajit të bekuar. I Dërguari, lavdërimi dhe paqja e Allahut qofshin mbi të, thoshte: “Më të mirët e umetit tim do të jenë gjenerata pas meje. Pastaj ata pas tyre, dhe pastaj ata pas tyre.” (Sahihul Buhari: 2652 dhe Sahihu Muslim: 2533)

Ne do të shikojmë disa nga veprat të cilave paraardhësit e devotshëm u kanë kushtuar vëmendje gjatë Ramazanit.